हा एक अनोखा शिष्यवृत्ती कार्यक्रम आहे जो विशेषत: उच्च शिक्षणाची आकांक्षा असलेल्या दिव्यांग विद्यार्थ्यांसाठी सुरू केलेला आहे. ही शिष्यवृत्ती महाराष्ट्रातील निवडक दिव्यांग विद्यार्थ्यांना बारावी नंतरच्या अभ्यासक्रमांसाठी दिली जाईल. हा सामाजिक उत्तरदायित्व कार्यक्रमांतर्गतचा SKF India या कंपनीचा सहयोगी प्रकल्प आहे. या शिष्यवृत्ती कार्यक्रमाचे उद्दिष्ट सर्व प्रकारच्या दिव्यांग विद्यार्थ्यांचा शैक्षणिक सहभाग वाढवणे आणि उच्च शिक्षणात समान संधी मिळवून  देणे आहे. उच्च शिक्षणामध्ये दिव्यांग विद्यार्थ्यांचे प्रमाण अत्यंत कमी आहे. काही आकडेवारीनुसार हे प्रमाण फक्त 0.20% एवढे कमी आहे. व्यावसायिक शिक्षणामध्ये तर याहून कमी प्रमाण आहे. ही गरज लक्षात घेऊन GSP INDIA च्या पुढाकाराने हा प्रकल्प राबविण्यात येत आहे . प्रत्येक लाभार्थ्याला 100% शैक्षणिक सहाय्य, आर्थिक सहाय्य, मार्गदर्शन, क्षमता निर्माण, करिअर समुपदेशन आणि संपूर्ण सहयोग यांचा समावेश होतो.  हा कार्यक्रम ग्रामीण श्रमिक प्रतिष्ठान या 43 वर्षांहून अधिक काळ कार्यरत असलेल्या संस्थेद्वारे चालवला जातो.